Ниокас успешно опериран, го пропушта европското првенство во Полска

Франција ќе биде ослабенa на eвропското првенство во Полска, откако беше објавено дека Кевин Нијокас нема да биде во комбинација кај селекторот Клод Онеста ниту на собирот во декември, ниту на првенството. Нијокас вчера беше опериран во Лион.

Се работи за проблем со коленото на десната нога, по што сега ќе следи пауза од 3-4 месеци, што го прави десниот бек недостапен за претстојниот континентален собир. Франција е еден од противниците на Македонија во групата А во Краков, заедно со Полска и со Србија.