Хедин доби нов договор во Брегенц

Шведскиот тренер Роберт Хедин го договори продолжувањето на договорот со австрискиот Брегенц. Тој најнапред дојде како советник, а потоа стана тренер, на кого сега управата комплетно му верува. По одличната прва сезона, Хедин ќе остане во Австрија до 2017 година.

Ист вид на договор до истиот термин потпиша и Тобијас Варвне, кој е најдобар ракометар на Брегенц. Двајцата имаат одличен однос и самиот Варвне истакна дека останувањето на Хедин е главната причина што и тој остана да го носи дресот на Брегенц и во иднина.