Гепингем го обезбеди Прост на својот гол до 2018 година

Словенечкиот репрезентативен голман, Примож Прост го продолжи договорот со Гепингем до 2018 година. Искусниот голман,кој дојде од Монпеље во Бундеслигата, имаше тековен договор до 2016 година, но го продолжи за уште две сезони.

Човекот кој 80 пати го носел дресот на националната репрезентација, беше трет најдобро оценет голман во шампионатот на Германија минатата сезона. Од клубот истакнаа дека направиле голема работа со продолжувањето на соработката со Прост.