Почнува германската ракометна сезона со Кил како прв фаворит

Вечерва со мечот за Суперкуп титулата помеѓу шампионот Кил и победникот на Купот, Флензбург официјално почнува новата германска ракометна сезона, која за време на викендот беше најавена со првата рунда од националниот Куп. За време на овој викенд со првото коло почнува и најсилното национално првенство во Европа, оваа година со двајца македонски ракометари, Филип Миркуловски и Ацо Јоноски.

Уште во првото коло се издвојуваат два интересни меча помеѓу Лемго и Рајн Ловен Некер и помеѓу најтрофејните две германски екипи Гумерсбах и Кил. Во пресрет на 34 првенствени кола, ве запознаваме со промените во играчкиот кадар кај шесте најдобри екипи од минатата сезона.

Кил:
Дојдоа: Ландин (Рајн Ловен Некер), Катцијанис (Ерланген), Дисингер (Либек), Јансен (Хамбург), Мораес (Абаететуба)
Заминаа: Палмарсон (Веспрем), Сјостранд (Мелсунген), Ранке (Швартау), Паличка (Алборг), Лауге (Флензбург), Еге (пензија), Лундстром (пензија), Соне (Минден), Јиха (Барселона)

Рајн Ловен Некер:
Дојдоа: Пекелер (Лемго), Апелгрин (Мелсунген), Станиќ (Ал Кувајт), Баена (Анхел Хименез)
Заминаа: Ландин (Кил), Мирол (Скјерн), Ручман (Гепингем), Периборио (Фризенхајм), Шмит (Фризенхајм), Сатон (Либек)

Флензбург:
Дојдоа: Џорџиќ (Хамбург), Тофт Хансен (Хамбург), Мае (Хамбург), Лауге (Кил)
Заминаа: Рудек (Бергишер), Ал Ахмар (Замалек), Кауфман (Гепингем), Ненадиќ (Хамбург), Маке (Хам)

Магдебург:
Дојдоа: Лемке (Лемго), Муса (Киелце), Далмгарт (Холстебро)
Заминаа: Јурецки (Хробри Глогов), Ли Хансен (Брегенц)

Гепингем:
Дојдоа: Баруд (Алборг), Берг (Онередс), Реншлер (Битингхајм), Кауфман (Фленсбург), Ручман (Рајн Ловен Некер)
Заминаа: Шоне (пензија), Мариновиќ (Шафхаузен), Бељански (Брегенц), Драгош (Опреа)

Фуксе Берлин:
Дојдоа: Вуковиќ (Либек), Елисон (Ајзенах), Тонесен (Вецлар), Плаза (Пуерто Сагунто), Гојун (ПСЖ), Вражалиќ (Балингем)
Заминаа: Игропуло (Колдинг), Шпољариќ (пензија), Ромеро (пензија), Певнов (Гумерсбах), Хорак (Ерлангем), Јашка (пензија)