Долга пауза за леворакиот Стефан Терзиќ

Малерозниот Стефан Терзиќ не го дочека дебито во дресот на Натурхаус Ла Роха, а веќе сериозно се повреди и цела сезона 2015/16 ќе биде надвор од ракометните терени. Бившиот ракометар на Хамбург и Вардар ги скина вкрстените лигаменти од коленото на светското младинско првенство во Бразил, носејќи го дресот на Србија.

Веќе е направен оперативниот зафат во татковината, каде Терзиќ ќе остане и за рехабилитацијата. Тренерот на вицешампионот на Шпанија, Хави Гонзалез се надева дека ќе го има десниот бек некаде во април 2016 година, за завршницата на сезоната. Натурхаус Ла Роха, за која минатата полусезона настапуваше Ацо Јоноски, ќе игра во Лигата на шампионите и оваа сезона и тоа во групата Ц заедно со Мешков Брест, Порто, Чеховски медведи,Војводина и Татран Прешов.