„Галските петли„ јуниорски светски прваци

Француската јуниорска репрезентација стана светски првак на мундијалот во Бразил, откако во финалето ја довлада Данска со 26:24, по водство во текот на целиот натпревар. По европската титула освоена минатата година во Австрија, сега „триколорите„ слават и на светско ниво.

Во мечот за бронзениот медал, Германија го совлада Египет со 35:34 по продолженија. Флоријан Делекроикс од Франција е прогласен за најкорисен ракомет на турнирот, а уште двајца француски ракометари се најдоа во идеалниот тим.