ФОТО: Водици се прослави и во Загреб, крстот во рацете на Петар Симонов

Околу 50 Македонци верскиот празник Водици го прославија во Хрватска, во црквата „Св. Злата Мегленска" во Загреб. Повеќегодишната традиција - фрлање на крстот за Водици му донесе среќа на Петар Симонов од Скопје. Присутните си посакаа здравје и се разбира, уште победи за македонската репрезентација на Европското првенство.

Парохискиот свештеник во македонската првославна црква во Загреб упати и благодарност до претседателот на РФМ и прв човек на „Алкалоид", Живко Мукаетов за помошта што ја дава за изградбата на новиот македонски православен храм во Загреб и му врачи сребрена монета со ликот на Св.Злата Мегленска.