Лазаров: Добредојдени се трите слободни дена (ВИДЕО)
Капитенот Кирил Лазаров ја поведе селекцијата на патот од Загреб кон Вараждин, каде попладнево Раул ќе го одработи првиот тренинг. Лазаров се наврати на вчерашниот натпревар, но исто така говореше и за потребниот одмор кој следи. Македонија три дена ќе биде без натпревар како награда за првото место во групата.
Против Данска и Шпанија никогаш не сме победиле, за разлика од Чешка, со која не врзуваат позитивни спомени од последните неколку години.
„Германците напишаа дека сме олдтајмери и дека ни треба време да се регенерираме. Добро ќе ни дојдат овие три дена, баш тоа ни требаше. Ќе се одмориме и в недела навечер ќе бидеме подготвени за Шпанија. Многу ни значи што имаме многу наши луѓе и навивачи. За нас е добро тоа што Унгарците се вратија дома, па така ќе има повеќе билети за македонските фанови", рече Лазаров.
Утре со натпреварите Данска - Словенија и Чешка - Германија почнува втората фаза од натпреварувањето во Вараждин.