Македонската „фан-зона“ се полни од 14:30 часот

Македонците пред дуелот со Германија ќе спремаат помоќна атмосфера и громогласно навивање во „фан-зоната" во клубот „Роко". „Фалангата", која од ден на ден се зголемува уште од 14:30 часот ќе се подготвува на своето омилено место во главниот град на Хрватска.

Македонската „фан-зона" беше полна и пред и после натпреварите со Словенија и Црна Гора, кога забележавме победи за одличен старт на Европското првенства.

Натпреварот меѓу Македонија и Германија се игра од 18:15 часот и е убава можност за прва победа по четири порази по ред во меѓусебните дуели против европскиот првак.