Ракометарите добија благослов од МПЦ
Македонската црковна општина во Загреб денеска организираше Света Василичка литургија во чест на православниот празник на овој светец и православната Нова Година, а националниот ракометен тим присуствуваше на богослужбата по овој повод во „Роков Перивој".
Согласно василичарските адети, тие од црковната општина добија и пригоден подарок, сребрена монета со мотив од Рожденството Христово и грбот на МПЦ-ОА.
„Вие сте апостоли, можевте да бидете било каде и да прославувате, но сепак дојдовте тука. Направивте едно чудо вчера, а ние веруваме дека ова сребро ќе го претворите во злато,- рече во своето обраќање надлежниот парохиски свештеник на МПЦ-ОА во Хрватска", Протојереј – стварофор Кирко Велински, благословувајќи ги ракометарите заедно со Митрополитот Европски Пимен.
Нашите ракометарите утре играат против Црна Гора, во натпревар кој почнува во 20.30 часот.