Велко Марковски има хематом, Ојлевски ќе биде спремен
По натпреварот со Унгарија листата на повредени играчи кај Македонија е зголемена. Велко Маркоски по лекарската препорака остана надвор од игра во вториот дел откако на грбот му се појавил хематон, а селекторот Ивица Обрван на прес конференцијата истакна дека сеуште не знае за што станува збор. Гоце Ојлески во еден момент побара замена откако лошо згазна и го свитка глуждот на левата нога.
Во микс зоната на минување Ојлески изјави дека почуствувал силна болка и затоа побара измена.Но вечерта владееше се поизразен оптимизам околу неговиот зглоб и најверојатно ќе биде во состојба да го одбработи тренингот вечерва од 18 часот. Претходно репрезентацијата ќе има следење на видео материјали од нашиот нареден противник, Исланд, со кого исто така често и најчесто неуспешно, сме се среќавале.