Нодесбо: „Лазаров може да даде 10 гола од 11 шута„

Соиграчот на Кирил Лазаров од Барселона, Јаспер Нодесбо исклучително го цени Кирил Лазаров и стравува од него за вечерашниот натпревар. За данските медиуми во пресрет на мечот тој изјави: „Одлично ги познавам квалитетите на Лазаров.

Тој е еден од најкомплетните ракометари во светот и може да даде 10 голови од 11 шутеви. Одлично соработуваме во Барселона и секогаш знае да ми асистира за чиста ситуација за гол„ вели Нодесбо. Селекторот на Данска Урли Вилбек исто така знае од каде доаѓа најголемата опасност, но како што самиот изјави вечерва нема да има посебен третман за нашиот Кире Лазаров.