ФОТО: Вилбек го „сними„ секој детал

Воведниот меч од нашата А група во Хернинг будно го следеше селекторот на данската репрезентација Улрик Вилбек. Веројатно одамна го подготвил мечот со Македонија, па данскиот селектор мирно на последниот ред од свечената ложа, сам го следеше мечот на Австрија и Чешка.

Како што и самиот изјави, сите освен Австрија добро ги познава, па сега имаше убава можност да се увери во квалитетите на селекцијата на Патрекур Јоханесон. 8000 луѓе со овации го поздравија, кога камерата го прикажа на големиот екран во „Јиске Бан Боксен„ арената во Хернинг.