Загревање во една, натпревар во друга сала

Организацијата на европското првенство, посебно на групата во Хернинг, до овој момент е беспрекорна. Педантните данци нашле решение за секоја ситуација, а со оглед на тоа што на мечот со Данска му претходеше мал церемонијал на свечено отворање, ракометарите имаа необична практика.

Загревањето на средбата во една помала сала го извршија и данците и нашите ракометари, а потоа со автобус со 4-5 минутно возење сите заедно да пристигнат во „Јиске Банк Боксен„ арената. Уникатно искуство кое со оглед на ладното време, кое денес во Хернинг дури и беше зачинето со снег, не им годеше баш на ракометарите.