ВИДЕО: Вилбек: „Мојсоски ви недостига, Чешка потрфли со Австрија„

Еден од најценетите тренери во светот на ракометот Улрик Вилбек веднаш по завршувањето на првата групна фаза на европското првенство ја анализираше нашата група во Хернинг и крајниот исход. Тој добро знае дека со исклучок на неговата репрезентација сите останати беа многу слични по квалитет:

„По прикажаното против Македонија и против нас, лесно можеше и Чешка да се квалификува во наредниот круг, но тие потфрлија на мечот со Австрија. Македонија се покажа како цврста и покрај проблемите. Мојсоски е многу значаен играч за нив и многу им недостига. Сега со вклучувањето на Прибак очекувам да бидат уште посилни. Овој пат ве победивме нешто полесно, но факт е дека игравме дома, а сите претходни наши средби беа многу неизвесни и драматични„ ни рече Вилбек по првата остварена цел на данската репрезентација. Нема дилеми дека големиот стручњак е запознат и со најмалиот детал за секој од противниците и потенцијалните противници. Впрочем затоа е толку успешен и ценет во светот на ракометот.