ВИДЕО: Ристовски: „Да го лимитираме Хансен на малку голови„

Со компјутерот в рака и внимателна анализа на противничките ракометари го затекнавме Борко Ристовски на неколку часа пред мечот со домаќинот. Со оглед на тоа што офанзивниот арсенал на Данска и без Николај Маркусен е фантастичен, Борко знае дека на овој меч опасноста е од сите страни, најмногу од Хансен:

„Ние треба да го лимитираме Хансен на што е можно помалку голови. Но опасноста не е само од него. Данците имаат познат модел, скоро сите ракометари играат во Бундеслигата. Ние и покрај се сме подготвени„ рече голманот на Гумерсбах. Тој најдобро знае како е против себе да се има Хансен, бидејќи пред се во Белград, но и во Севиља тој беше најдобар дански стрелев во мечевите со нашата репрезентација. Посебно впечатлив беше мечот во „Арена„ каде Лазаров и Хансен двајцата имаа двоцифрен број на голови и импресивна целосна партија.