Д. Начевски: „Судиите се спремни за турнирот„

Покрај националната репрезентација на Македонија и судискиот пар Николов - Ѓ. Начевски, нашата земја на овој голем ракометен собир ја репрезентира и Драган Начевски кој што е главен делегат на судиите во ЕХФ. Тој за официјалната веб страна на шампионатот потврди дека судиите се спремни за испитот:

„Мојата и задачата на судиите ако не е најтешка, тогаш е една од потешките. Тука работиме со судиите веќе некое време и можам да ви потврдам дека во овој момент располагаме со најдобрите судии во Европа. Пред нас е голем предизвик. Ја познавам добро оваа „Јиске Бан Боксен„ арена во Хернинг од женското европско првенство во 2010 година и можам да ви потврдам дека кога е полна делува импресивно„ рече Драган Начевски. Тој за мечот со Данска на стартот делегираше германски судиски пар и португалски ЕХГ делегат.